- Tíðindi, mentan og ítróttur
Útseta arbeiðið í gamla kirkjugarðinum
Útseta arbeiðið í gamla kirkjugarðinum
Umskipanin av elsta partinum í kirkjugarðinum í Vestmanna er útsett, men bygdarráðið hevur samtykt ætlan um kirkjugarðin á Knúgvum
Stór óvissa er um arbeiðið í elsta partinum av kirkjugarðinum, og hon kann hava avleiðingar fyri tíðarfreistina.
27.02.2023 - 10:08
Bygdarráðið í Vestmanna hevur samtykt at útseta arbeiðið at umskipa elsta partin í gamla kirkjugarðinum.
Stór óvissa er um arbeiðið, og hon kann hava avleiðingar fyri tíðarfreistina.
Bygdarráðið samtykti í august í fjør at arbeiða víðari við uppskotinum hjá EYA arkitektum um at umbyggja kirkjugarðin við kirkjuna.
Forkanningarnar vístu á nakrar møguligar avbjóðingar við drenlagi og frárensli og møguleikan fyri, at tvey verða jarðað í somu grøv.
Gera ætlan á Knúgvum
Trivnaðar- og umhvørvisnevndin samtykti at útseta umskipanina av elsta partinum av gamla kirkjugarði. Og tað samtykti bygdarráðið eisini.
Haraftrat hevur bygdarráðið samtykt eina ætlan um kirkjugarðin á Knúgvum.
Tilboð frá Verkfo um projekt og útboð er 250.000 kr.
- Verður einki gjørt, er einki gravpláss eftir um hálvtfjórða ár, segði Bjørg á Rógvi, borgarstjóri í Vestmanna, við Útvarpið í síðstu viku.
Er kopiera
Nýggjastu sendingar í ÚV
