Svøríki: Færri fáa forsorgarhjálp

Tað eru nýggj hagtøl frá svenska sosialstýrinum, ið vísa, eingin beinleiðis samanhangur er millum inflatiónina og talið á teimum, ið liva av forsorgarhjálp.

- Ein orsøk er helst, at mong av teimum, sum komu til Svøríkis sum flóttafólk fyri fimm-seks árum síðani, nú eru før fyri at forsyrgja sær sjálvum, sigur Tapio Salonen, professari í sosialum arbeiði, við SR Ekot í svenska útvarpinum.

Men Annika Wallenskog, sjef-búskaparfrøðingur hjá svensku kommununum og landspørtunum, sigur, at tað kann taka tíð, áðrenn hørðu tíðirnar merkjast í hagtølunum.

- Hetta, tí tað tekur langa tíð at verða mettur egnaður til forsorgarhjálp, sigur hon.