TROM verður eisini at síggja á BBC

BBC hevur víst nógvar av norðurlendsku sjónvarpsrøðunum, eitt nú donsku "Forbrydelsen" og "Borgen". 

Nú er greitt, at BBC eisini fer at vísa føroysku krimirøðina TROM. 

Tað boðar danska framleiðslufelagið REinvent Studios frá í grein á miðlinum Variety.  

TROM, Ulrich Thomsen

Frítekst tagging: 

Trom

Ulrich Thomsen

Fegin og errin

REinvent Studios hevur framleitt TROM saman við føroyska Kykmyndir og Truenorth. 

"BBC hevur víst nakrar av bestu norðurlendsku røðunum, sum nakrantíð eru framleiddar, og vit vóna, at TROM eisini fer at verða vælumtókt," sigur Helene Aurø, sølu- og marknaðarleiðari hjá REinvent Studios. 

Framleiðararnir eru bæði fegnir og ernir um, at BBC eisini hevur keypt rættindini at vísa røðina. 

TROM verður at síggja í sjónvarpinum hjá Kringvarpinum hósdagin 17. feburar, tá eisini allir partarnir verða lagdir út á heimasíðuna hjá Kringvarpi Føroya, kvf.fo.