Russland fer at meta radaran á Sornfelli sum eina hóttan

Russland fer at meta radaran á Sornfelli sum eina hóttan
Danska fregnartænastan metir, at ein lofteftirlitsradari á Sornfelli fer at verða uppfataður sum ein hóttan í Russlandi
Russland sær allar hernaðarligar útbyggingar í Grønlandi og Føroyum sum eina hóttan, sigur fregnartænastan hjá donsku verjuni í váðameting
Mynd: Savnsmynd  
 
22.12.2021 - 09:41

Russland fer at meta lofteftirlitsradaran, sum tosað verður um at byggja í Føroyum, sum eina hóttan móti Russlandi.

Russland metir øll hernaðarlig tiltøk í Grønlandi og í Føroyum at vera vend móti Russlandi.

Tað sigur fregnartænastan hjá donsku verjuni í nýggjastu váðameting sínari.

 

Thule er ein beinleiðis hóttan

Har stendur, at verður Thulestøðin í Grønlandi styrkt, metir Russland tað sum eina beinleiðis hóttan móti sær.

Tað er radarin í Føroyum tó ikki mettur at vera.

Orsøkin er, at radarin bara skal ansa eftir loftrúminum við Føroyar.

Slíkur radari var í Føroyum til 2007.

 

Neyvan at geva ilt av sær

Tað er tí neyvan sannlíkt, at Russland av álvara fer at geva ilt av sær í sambandi við radaran í Føroyum, sigur fregnartænastan hjá donsku verjuni.

Hon sigur eisini, at vandi er fyri, at Russland og Kina fara at økja njósningina móti Danmark, Grønlandi og Føroyum, tí trygdarpolitiska støðan í Arktis er vorðin so spent.

Her er ikki minst talan um cybernjósning.

Er kopiera
Nýggjastu sendingar í ÚV
Hósdag 6. februar
RagnarRokk 6.februar 2025
185815
Hósdag 6. februar
RagnarRokk: Nicke Andersson um Overdriver
185814
Hósdag 6. februar
Ragnarrokk: Nate Garrett um Faded Dream
185812
Hósdag 6. februar
Andarblak - Hann ger gimsteinar úr dusti
187441
Nýggjastu sendingar í SV
Mikudag 5. februar
Dagur og vika - teknmálstulkað
187371
Týsdag 4. februar
Veðrið
187342
Sunnudag 2. februar
Ítróttafagnaðurin 2024
187188
Sunnudag 2. februar
Guðstænasta úr Kirkjubøar kirkju
187196
Fríggjadag 31. januar
Veðrið
187155