Grøn orka: Eiga eisini at hugsa um landskassan

Tá ið arbeitt verður fyri grønari orku, skal eisini hugsast um inntøkurnar hjá landskassanum.

Tað siga samgongan og Sjálvstýri í Fíggjarnevndini.

Tey taka ikki undir við uppskotinum hjá Bjarna Kárasoni Petersen í Framsókn um avgjøld á hybridbilum, elbilum og vetnisbilum.

Meirilutin í Fíggjarnevndini heldur, at hugsast skal bæði um grøna orkuskiftið og um inntøkur landskassans.

Finna javnvágina

Týdningarmikið er at finna javnvágina viðvíkjandi avgjøldum samstundis sum grøna orkuskiftið verður framt, sigur meirlutin.

Sambært lógaruppskotinum um meirvirðisgjald kostar tað slakar 38 mió. kr.

Men hitt lógaruppskotið, tað um virðisavgjald fyri persónbilar við hybrid tøkni ella plugin-hybrid tøkni, gevur landskassanum inntøkur, 50.000 kr. fyri hvønn bil.

Atkvøtt verður um málið týsdagin.