- Tíðindi, mentan og ítróttur
Føroyar dreymabyrjan á Malta
Føroyar dreymabyrjan á Malta
Føroyska talvlandsliðið vann fyrrapartin 4-0 á Luksemburg, og hevur tí vunnið á teimum báðum sterkastu kappingarneytunum í smálandakappingini. Í gjár vunnu Føroyar á Andorra
Høgni Egilstoft Nielsen er ein av fimm føroyskum telvarum á Malta
Mynd: Savnsmynd
29.11.2021 - 14:14
Føroyar smurdu fyrrapartin Luksemburg av í øðrum umfari av smálandakappingini í talvi, sum er á Malta hesa vikuna.
Allir fýra føroysku telvararnir - Helgi Dam Ziska, Høgni Egilstoft Nielsen, John Rødgaard og Luitjen Akselsson Apol - vunnu síni talv. 15 ára gamli Luitjen Akselsson Apol var tann fyrsti at avgera og tann einasti, sum hevði lægri styrkistal enn mótstøðumaðurin.
Í gjár vunnu Føroyar á Andorra, sum er mett at vera næststerkasta landið í kappingini. Luksemburg er mett sum triðsterkast, og tí sær gott út hjá favorittunum úr Føroyum, sum telva aftur seinnapartin.
Er kopiera
Nýggjastu sendingar í ÚV
Nýggjastu sendingar í SV
