Biden: Viðurskiftini við Týskland betrast

Amerikanski forsetin, Joe Biden, hevur tosað við týska samveldiskanslaran, Angela Merkel, í telefon, og hann lovar betri viðurskifti millum londini.

Síðani Joe Biden gjørdist forseti, hevur hann ringt til fleiri ríkisleiðarar fyri at bøta um altjóða viðurskiftini eftir fýra ár við Donaldi Trump, sum forseta.

Í fráboðan siga Hvítu Húsini, at Biden sigur, at viðurskiftini við NATO og ES eru hornasteinur hjá USA í felags trygd og demokratiskum virðum hjá londunum.