Nú eru 137 tilburðir staðfestir

Í løtuni eru 137 fólk smittað av koronu.

Tað vísa nýggjastu tølini frá Landslæknanum. 

Hóast øll kanningarúrslitini fyri týsdagin og í gjár ikki eru tøk enn, sæst longu, at talið av staðfestum tilburðum veksur.

Týsdagin vórðu 2444 kanningar gjørdar. 14 tilburðir vórðu staðfestir, men 156 kanningar frá týsdegnum eru eftir at greina.

Umleið 66.000 kanningar

Í gjár vórðu 2099 kanningar gjørdar, og longu nú eru 12 tilburðir staðfestir. Endaliga kanningarúrslitið fyri í gjár er ikki tøkt, tí 701 kanning er eftir at greina.

Síðani koronusmittan fór at ganga í Føroyum, eru tilsamans 362 tilburðir staðfestir, 225 fólk eru vorðin frísk aftur, og løtuni eru 137 tilburðir.

Tilsamans eru 65.948 kanningar gjørdar.