Nú eru 110 koronutilburðir

Talan av koronatilburðum í Føroyum er nú 110, eftir at ein tilburður er staðfestur aftrat frá royndunum mándagin. 

Tað sæst í hagtølunum á corona.fo eftir seinastu dagføringina.

Sostatt eru níggju tilburðir staðfestir frá royndunum mánadagin, og tríggir eru staðfestir í kanningunum, sum vórðu tiknar í gjár.

Tølini fyri báðar dagarnar vaksa uppaftur meira, tí enn vantar heilsuverkinum at greina 171 kanningar frá fyrradegnum og 1608 kanningar, sum vórðu gjørdar í gjár.