10. hvør tannáringur brúkar pínulinnandi dagliga

10. hvør tannáringur brúkar pínulinnandi dagliga
Stóra norska UngData-kanningin vísur, at fimti hvør tannáringur í Noregi brúkar pínulinnandi tablettir eina ella fleiri ferðir um vikuna
 
28.10.2019 - 13:14

10 prosent brúka pínulinnandi hvønn dag.

Siv Skarstein, granskari á OlsoMet, hevur skrivað doktararitgerð um ungdóm og pínulinnandi, og hevur nú ábyrgdina fyri hesum økinum í stóru UngData-kanningini.

Í 2003 var loyvt at keypa pínulinnandi heilivág í handkeypi, og síðani er sølan vaksin nógv. 

UngData-kanningin er hin størsta um vanar hjá 304.000 tannáringum í Noregi, - eisini um nýtslu av heilivági. Í kanningini upplýstu 20 prosent av tannáringunum, at tey brúka pínulinnandi heilivág eina ella fleiri ferðir um vikuna,  og 10 prosent brúka tað hvønn dag, sigur Skarstein.

Avriksótti

Orsøkirnar eru nógvar, - men tað snýr seg eisini um avrik.

- Tey skulu síggja gott út og tey skulu klára alt. Og hendan væntanin setur seg í kroppin, sigur Skarstein, sum hevur havt samrøður við ung.

Kanningin er eisini býtt út á kommunur, og í nøkrum kommunum hevur triðji hvør tannáringur svarað, at hann hevur tikið sera nógvan pínulinnandi heilivág, - eitt nú Paracetamol.

- Tað hevur nakað at gera við, at tað virkar, og so er bara at halda fram við tí, tí vit vita, at tað hjálpir at brúka pínulinnandi, sigur Susanne Selmer, næmingur í Sand Kommune, sum TV2 hevur tosað við.

Langtíðarhjáárin

Steinar Madsen, leiðari í norska apoteksverkinum, sigur, at ovurnýtslan av pínulinnandi hjá ungum fólki kann geva sálarlig og likamlig hjáárin. 

- Tekur tú eina paracetamol hvønn dag, hevur tað kanska onga ávirkan. Men brúkar tú meira, kann tað fáa álvarslig hjáárin, tí tú kanst eisini gerast bundin av t.d.  paracetamoli. Og fólk kunnu eisini fáa høvuðpínu av ov nógvum pínulinnandi heilivági.

Sambært Steinar Madsen veksur hesin trupulleikin í framtíðini. 

- Vit liva í einum kappingarsamfelagi. Og tað er greitt, at ungfólk eru bangin fyri at gerast eftirbátur, - ikki at klára seg nógv væl til royndina, og tey eru eisini bangin fyri at fáa ilt í búkin. Og tá er tað, at nøkur tíverri detta niður í millum, tí tey kanska ikki hava fingið tann stuðulin, sum tey hava brúk fyri heiman í frá, sigur Steinar Madsen, við norska tv2.

Er kopiera
Nýggjastu sendingar í ÚV
Mikudag 2. apríl
Eitt korter við klassiskum
190152
Mikudag 2. apríl
Morgunlestur mikudagur 2.apríl 2025
189977
Týsdag 1. apríl
LEITISSTEIN 01.04.2025 (Blátt Gras)
190130
Nýggjastu sendingar í SV
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125
Sunnudag 30. mars
Andakt
190022
Sunnudag 30. mars
Møti úr Nebo á Toftum
190017