Sleppa ikki av við avgrevstur í Klaksvík

Arbeiðið upp á rennibreytina í Klaksvík er steðgað, tí ikki slepst av við avgrevstur í løtuni.

Grótbrotið á Bumshamri er fult, og nú verður arbeitt við einari aðrari loysn.

Umsitingin fyrireikar tað málið til nevndirnar at viðgera í næstu viku.

Málið skal fyri býráðsfundin í Klaksvík 31.januar.

Pengar eru ikki í fíggjarætlanin 2019 hjá Klaksvíkar kommunu til nýggja tyrving.

Signhild V. Johannesen, forkvinna í Mentanarnevndini í býráðnum í Klaksvík, sigur, at á pappírinum skal rennibreytin verða liðug síðst í hesum árinum. 

Men sjálv væntar hon ikki, at hon verður liðug fyrr enn á sumri 2020, tí tað er best ikki at skunda sær við arbeiðinum.

At ikki slepst av við avgrevstur í Klaksvík í løtuni ávirkar eisini tey, sum ætla sær at byggja. Tey noyðast eisini at bíða.