Stór øking í lønum í 2018

9.44 milliardir krónur vórðu útgoldnar í lønum í fjør.

Tað er ein hækking á 5.4 prosent í mun til 2017, tá 8.95 milliardir vórðu útgoldnar í lønum.

Tað skrivar Hagstovan á heimasíðu sínari.

Góðar 900 milliónir krónur vórðu útgoldnar í desember í fjør og tað var størsti einstaki mánaðurin.

Menn forvinna meir enn kvinnur - í fjør forvunnu menn tilsaman 5.9 milliardir og kvinnur 3.5 milliardir.

Tann vinnugreinabólkurin, har mest var útgoldið í fjør var "Almenn og onnur tænasta" - har 3.1 milliardir krónur var útgoldin í lønum í fjør.