Rúsevni: 11 fólk tikin í Grønlandi og Danmark

Politiið tók í gjárkvøldið og í nátt 11 fólk í Nuuk í Grønlandi og í Danmark í einum stórum átaki móti rúsevnum.

Væntandi verða fleiri handtøkur aftrat, sigur politiið í tíðindaskrivi. Tað skrivar grønlendska blaðið, Sermitsiaq.

Handtøkurnar eru úrslit av rannsóknum í langa tíð. Og í nátt vórðu so rannsóknir gjørdar nógvastaðni og handtøkur framdar. Fleiri vápnaðir politistar vóru við í átakinum.

Tey handtiknu kom til grundlógaravhoyring í býarrættinum í Nuuk seinni í dag , væntandi fyri læstum hurðum, sigur politiið, sum ikki vil gera fleiri viðmerkingar til málið nú.