Føroyskur lýsingarfilmur heiðraður

Sheep View-lýsingarátakið, ið Sansir, Liquidminds og Kovboyfilm gjørdu fyri Visit Faroe Islands og Atlantic Airways, vann hóskvøldið tvær altjóða virðislønir á Epica Awards í Amsterdam.

Í tíðindaskrivi verður boðað frá, at í kapping við 4000 aðrar onnur lýsingarátøk úr 70 londum, fekk Sheep View tvær silvur virðislønir.

Greinin heldur fram niðanfyri

Video: Sheep View-lýsingarátakið

Sambært fólkunum aftanfyri Sheep View snúði átakið seg um at skapa eitt átak og eina søgu, ið var so øðrvísi, at tað kundi fáa uppmerksemi í altjóða miðlum.

Stigtakararnir siga seg tó vera ovfarnar av, at Sheep View-átakið hevur rokkið so langt og er víst meira enn tvær milliardir ferðirnar, sigur Tór Verland Johansen, kundastjóri á Sansum.