Wolfgang Schäuble deyður

Hann var limur í kristindemokratiska flokkinum CDU og tinglimur í týska samveldistinginum Bundestag í meira enn 50 ár.

Sostatt er hann ein av politikarunum, sum hevur verið longst uppi í politikki nakrantíð.

Í 1990 var hann við í samráðingunum um at sameina Týskland. 

Nærum 20 ár seinni, á heysti 2009, gjørdist hann fíggjarmálaráðharri í stjórnini hjá Angelu Merkel. Hetta var stutt fyri, at skuldin hjá Grikkalandi setti gongd á eina álvarsliga búskaparkreppu í evruøkinum.

Wolfgang Schäuble hevur síðani 1990 sitið í koyristóli, eftir at drápsroynd var framd móti honum, og hann varð raktur av fleiri skotum.