Pumpa sjógv inn í tunlar í Gasa

Ísrael er nú farið undir at pumpa sjógv inn í tunlarnar í Gasageiranum. 

Tað skrivaði bretska blaðið The Wall Street Journal í gjárkvøldið.

Blaðið skrivar, at hetta fer helst at taka tvær vikur, og endurgevur ónevnd embætisfólk.

Fleiri óttast tó fyri, at veitingin av feskum vatni í Gasa er í vanda av hesum, og embætisfólk í Biden-umsitingini vænta, at hetta fer at oyðileggja tunnilsskipanina, skrivar Reuters.

Tunnil í Gasageiranum

(Mynd: Reuters/Ritzau Scanpix)

Fleiri pumpur settar upp

Tíðliga í hesum mánaðinum skrivaði The Wall Street Journal, at Ísrael hevur sett upp í minsta lagi fimm pumpur norðan fyri flóttafólkaleguna Al-Shati.

Skipanin skal vera før fyri at pumpa fleiri túsund litrar av vatni um tíman inn í tunlarnar.

Ísraelska uttanríkisráðið hevur higartil ikki gjørt viðmerkingar til tíðindini um, at pumpurnar eru í gongd.