Biden lovar Ísrael alla neyðuga hjálp í krígnum móti Hamas

Amerikanski forsetin, Joe Biden, er komin til Ísraels á vitjan, og á tíðindafundi saman við ísraelska forsætisráðharranum, Benjamin Netanyahu, segði Biden, at USA fer at veita Ísrael alla neyðuga hjálp, so landið fær vart seg fyri yvirgangsfelagsskapinum Hamas í Gasageiranum.

Joe Biden fordømdi eisini álopini og drápini, sum Hamas hevur framt.

- Vit skulu hava í huga, at Hamas ikki umboðar palestinska fólkið, segði hann.

Amerikanska sendinevndin hitti eisini ísraelsku kreppustjórnina, sum var skipað eftir Hamas-álopini á Ísrael 7. oktober. 

31 amerikanskir ríkisborgarar doyðu í rakettálopunum á Ísrael 7. oktober. 

Allan Sørensen

Allan Sørensen er tíðindamaður í Ísrael. (Mynd: Kristeligt Dagblad)

Størsti stuðulin

Tíðindamaðurin hjá Kristeligt Dagblad í Ísrael, Allan Sørensen, sigur, at amerikanska forsetavitjanin er størsti stuðul, sum Ísrael kann fáa, eftir at støðan í Gasageiranum gjørdist spentari í gjárkvøldið, tá ein rakett rakti eitt sjúkrahús í Gasa býi, og fleiri hundrað fólk lótu lív.

Hoyr samrøðubrot við Allani Sørensen í Breddanum fyrrapartin:
 

Allur Breddin kann hoyrast her.