IS drap svensku fótbóltsfjeppararnar

Islamski felagsskapurin, IS, hevur tikið ábyrgdina fyri drápunum í Brússel mánakvøldið, har tveir svenskir fótbóltsfjepparar vóru skotnir til deyðis, og ein annar fekk álvarsligan skaða.

Í fráboðan skrivar felagsskapurin, at álopið var áminning til Svøríki, tí landið er við í eini alheims samgongu, sum berjist móti jihadistum.

- 'Ein krígsmaður frá IS leyp á tveir svenskar ríkisborgarar mánadagin', stóð í fráboðanini frá kunningarrásini hjá Amaq í gjárkvøldið.

Maðurin, sum illgruni var til framdi illgerðina, var ein 45 ára gamal maður ættaður úr Tunesia. Hann var skotin og dripin undir handtøkuni í gjár.

Belgiska ákæruvaldið heldur, at hann var einsamallur um álopið, men leitar eftir møguligum hjálparfólkum, sum hava filmað álopið, og lagt upptøkuna út á sosialar miðlar.