- Tíðindi, mentan og ítróttur
Keypið hjá Pelagos av Faroe Pelagic fráboðað
Keypið hjá Pelagos av Faroe Pelagic fráboðað
Kappingareftirlitið fekk mánadagin fráboðan um, at Pelagos í Fuglafirði ætlar at keypa Faroe Pelagic í Kollafirði
Pelagos í Fuglafirði hevur nú fráboðað Kappingareftirlitinum ætlanina um at keypa Faroe Pelagic í Kollafirði
Mynd: Savnsmynd
12.10.2023 - 08:13
Faroe Pelagic kom í føroysku uppsjóvarvinnuna, tá fyritøkan í 2009 keypti Kollafjord Pelagic, sum var í trupulleikum.
Við drúgvum royndum í at byggja og reka uppsjóvarvirki í øðrum londum eydnaðist Faroe Pelagic at brúka sína marknaðarleiðandi serfrøði, stendur á heimsasíðuni hjá Kappingareftirlitinum.
Fyritøkan prógvaði, at tað ber til, bæði tøkniliga og búskaparliga, at virka vinnuliga uppsjóvarfisk til matna í Føroyum.
Faroe Pelagic slóðaði fyri, at hini bæði uppsjóvarvirkini, Varðin Pelagic og Pelagos, seinni vóru bygd í Føroyum, skrivar Kappingareftirlitið.
Byrjaði í 2014
Pelagos byrjaði í 2014.
Havsbrún, Framherji, Palli hjá Marionnu og felagið á Enni eiga Pelagos.
Faroe Pelagic er óbeinleiðis dótturfelag hjá Parlevliet & Van der Plas B.V. í Niðurlondum.
2,2 mió. kr. eftir skatt
Faroe Pelagic og Pelagos gjørdu fyri sløkum tveimum mánaðum ætlanarskjal um, at Pelagos keypir øll partabrøvini í PP Faroe Pelagic.
Partapeningurin í Faroe Pelagic er 500.000 kr.
Úrslitið hjá Faroe Pelagic í fjør var slakar 2,2 mió. kr. eftir skatt.
Er kopiera
Nýggjastu sendingar í ÚV
Nýggjastu sendingar í SV
