Noreg latið fyrrverandi Wagner-leiðara leysan

Norska løgreglan læt í gjár fyrrverandi herleiðaran í russisku Wagner-deildini,  Andrej Medvedev, leysan.

Hann var handtikin fríggjadagin, undir illgruna fyri ólógliga at hava komið sær um russiska markið, skrivar norska kringvarpið, NRK.

Løgregluleiðarin í Finnmørkini sigur ikki, hvør persónurin er, men sambært NRK er talan um Andrej Medvedev.

Advokatur hansara, Brynjulf Risnes, sigur við Reuters-tíðindastovuna, at fyrrverandi Wagner-herleiðarin var í Suðurvaranger og leitaði eftir staðnum, har hann fór um norska markið í januar, skrivar Ritzau.

- Hann var ikki nærindis markinum. Og hann ætlaði als ikki at fara um markið til Russlands, sigur advokaturin.

Andrej Medvedev flyddi úr Russlandi til Noregs í januar, og bað um friðskjól har,  tí hann óttaðist fyri lívinum.

Í vár boðaði hann so frá á eini sjónbandaupptøku, at hann vildi sleppa aftur til Russlands.