Sendistovurnar kostaðu minni enn væntað

Føroysku sendistovurnar kostaðu minni í fjør, enn sett var av til teirra í fíggjarlógini.

Settar vóru av 30,8 milliónir krónur.

Men tær sjey sendistovurnar kostaðu 27 milliónir.

Bara ein sendistova, tann í Íslandi, kostaði meira. Hon fór 250.000 upp um játtanina.

Koronuavmarkiingar

Landsstýrið hevur upplýst, at í flestu londunum, har sendistovurnar eru, vóru koronuavmarkingar í fyrru hálvári 2022, í Kina so at siga alt árið.

Ætlanin var, at sendistovan í Moskva skuldi flyta úr hølunum hjá donsku sendistovuni í egin høli. 

Men sum støðan er í Russlandi, var tann ætlanin ikki framd.

Sendistovan í Moskva hevði slakar 5,6 millónir krónur í fíggjarlógini, men brúkti slakar 3,5.

Tølini eru í frágreiðingini um frávik millum játtan og nýtslu hjá Landsgrannskoðaranum.