Matstovur skulu kunna innflyta rúsdrekka

Eitt gamalt ynski hjá matstovuvinnuni verður nú veruleiki, tí næsta vár kemur uppskot frá landsstýrinum um at broyta rúsdrekkalógina, so matstovur kunnu flyta inn vín og øl uttan um Rúsdrekkasølu landsins.

Í 2018 hevði Vinnumálaráðið, sum tá var, uppskot um, at Loyvisnevndin kann geva matstovum og øðrum fyritøkum loyvi til at innflyta vín, sum í mesta lagi er 15 prosent, frá 1.januar 2019.

KOKS matstovan

Tað var eisini í samsvari við ferðavinnupolitikkin, segði Vinnumálaráðið.

Men tað uppskotið vann ikki frama.

Nú verður so roynt aftur.

Rúsan, rúsdrekka

Framleiðarar skulu eisini sleppa at selja

Landsstýrið ætlar eisini, at tey, sum gera øl og rúsdrekka, skulu sleppa at selja løg, sum er sterkari enn 5,8 prosent á staðnum, har sum løgurin verður gjørdur.

Slík søla kann tó bara vera, tá gestir vitja. 

Uppskotið er til hoyringar, og hoyringarfreistin er í dag.

Whisky, Whiskey, Føroya Bjór

Lógaruppskotið kemur í tingið í heyst.