Brot á reglurnar um hávatenn skulu ikki í rættin

Tá bilførarar bróta reglurnar um hávatenn, eiga mál teirra at kunna avgreiðast uttan at fara í rættin við teimum.

Tað heldur vinnunevndin hjá løgtinginum, sum í áliti sínum hevur broytingaruppskot um at leggja hávatenninar aftrat málunum um rúsevnakoyring og rættarsókn, sum eru í uppskoti landsstýrisins um at broyta ferðslulógina.

Annars tekur nevndin undir við, at fallhjálmur verður kravdur, tá koyrt verður við tríhjólaðari motorsúkklu ella tríhjólaðum prutli. 

Skulu dagføra lista

Og lógin skal nágreina revsingin fyri, hvussu nógv THC, hassj, er í blóðinum hjá teimum, sum verða tikin fyri rúsevniskoyring.

Á føroyska listanum frá 2009 eru 54 ólóglig evni, sum eru vandamikil fyri ferðslutrygdina. 

Á danska listanum eru nógv fleiri evni.

Vinnunevndin heitir á landsstýrið um at dagføra føroyska listan.