Tilmæli um at broyta fólkaskúlalógina kemur fyrsta dagin

Umboð fyri Lærarafelagið og Skúlaleiðarafelagið hava verið i arbeiðsbólkinum, sum hava gjørt tilmælið.

Tilmælið frá arbeiðsbólkinum um fólkaskúlalógina er farið til prentingar, og fyrsta dagin fær landsstýrismaðurin tilmælið. (Savnsmynd: Bjarni Árting Rubeksen)

Høgni Djurhuus

01.05.2023 - 09:37

Um eina góða viku fær landsstýrismaðurin í skúla- og útbúgvingarmálum, Djóni Nolsøe Joensen, eitt tilmæli um, hvussu fólkaskúlalógin skal broytast.

Ein arbeiðsbólkur hevur gjørt uppskot um broytingar í fólkaskúlalógini.

- Tilmælið er nú til prentingar, og verður eftir ætlan handað mær um eina góða viku, segði Djóni Nolsøe Joensen á aðalfundinum hjá Lærarafelagnum leygardagin.

Umboð fyri bæði Lærarafelagið og Skúlaleiðarafelagið vóru við í arbeiðsbólkinum.

Djóni Nolsøe Joensen

Djóni Nolsøe Joensen, landsstýrismaður í barna- og útbúgvingarmálum.

Menna flokslæraraarbeiðið

- So eg vænti, at tit hava fingið sagt tykkara hugsan og borið fram tykkara sjónarmið. Eg skal so gera alt tað, eg kann at fáa neyðugar ábøtur settar í verk, segði landsstýrismaðurin á aðalfundinunum hjá Lærarafelagnum.

Hann segði millum annað eisini, at hann hevur sett sjøtul á at menna flokslæraraarbeiðið.

Játtanin hækkar 1.august.