- Tíðindi, mentan og ítróttur
Oscar-søga bleiv skrivað í nátt
Oscar-søga bleiv skrivað í nátt
Tríggir sjónleikarar vunnu ein Oscar fyri ein og sama film, og tað er ongantíð hent áður. Grønlendski stuttfilmurin "Ivalu" bleiv tíverri ov stuttur
Teir fýra sjónleikararnir, ið vunnu Oscars í nátt. F.v. Ke Huy Quan, Michelle Yeoh, Brendan Fraser og Jamie Lee Curtis
Mynd: Ritzau / Scanpix
13.03.2023 - 04:37
Tað gjørdist filmurin “Everything Everywhere All at Once”, ið vann nógv mest, tá Oscar-heiðurslønirnir blivu handaðar fyri 95. ferð í Dolby Theater í Hollywood í nátt.
“Everything Everywhere All at Once” var tilnevndur til 11 Oscar-heiðurslønir og vann tær sjey, eitt nú fyri besta film, bestu sjónleikarkvinnu, besta leikstjóra, bestu klipping, besta sjónleikara í einum hjáleikluti, bestu sjónleikarkvinnu í einum hjáleikluti og besta upprunahandrit til ein film.
Tað er ongantíð hent áður í Oscars-søguni, at tríggir sjónleikarar vunnu fyri sama film.
Tað er heldur ongantíð hent áður, at ein asiatisk kvinna vinnur fyri besta sjónleikaraavrik, nevniliga Michelle Yeoh fyri “Everything Everywhere All at Once”.
Eingin gøla
95. útgávan av Oscars bleiv eisini munandi minni minnilg enn handanin í fjør, tá Will Smith gav vertinum Chris Rock ein upp á kjaftin.
Ársins vertur Jimmy Kimmel slapp snikkaleysur frá uppgávuni.
Kimmel var tó ikki seinur at nevna hendingina, uttan at hann beinleiðis tók Will Smith upp á tungu.
Jimmy Kimmel gjørdi vart við, at nakar ætlaði at leypa á seg, so skuldu tey fyrst framvið sjónleikarum, ið hava spælt heimsmeistarar í boksing, Spider Man og aðrar hetjuleiklutir.
Ivalu gjørdist ov stutt
Her um okkara leiðir var størst spenningur um, um dansk/grønlendski-filmurin "Ivalu" fór at megna at vinna fyri besta stuttfilm.
"Ivalu" gjørdist tíverri ov stutt, tí tað bleiv "An Irish Goodbye", ið vann Oscar-heiðurslønina.
23 heiðurslønir blivu handaðar í nátt, og hóast tríggir danir høvdu møguleikan at vinna, so vann eingin teirra.
Hinvegin vann týski filmurin "Im Westen nichts Neues" (All Quit on the West Front) fýra Oscars, eitt nú fyri besta altjóða film.
Besti filmur
Everything Everywhere All at Once
Besta sjónleikarinna
Michelle Yeoh, Everything Everywhere All at Once
Besti sjónleikari
Brendan Fraser, The Whale
Besti leikstjóri
Daniel Kwan and Daniel Scheinert, Everything Everywhere All at Once
Besti teknifilmur
Guillermo del Toro’s Pinocchio
Besti hjásjónleikari
Ke Huy Quan, Everything Everywhere All at Once
Besta hjásjónleikarkvinna
Jamie Lee Curtis, Everything Everywhere All at Once
Besti heimildarfilmur
Navalny
Besti stuttfilmur
An Irish Goodbye
Besta filmslist
All Quiet on the Western Front
Besta smyrsl og hár
The Whale
Besta búnasniðgeving
Black Panther: Wakanda Forever
Besti altjóða filmur
All Quiet on the Western Front
Besti stutti heimildarfilmur
The Elephant Whisperers
Besti stutti teknifilmur
The Boy, the Mole, the Fox and the Horse
Besta framleiðslusnið
All Quiet on the Western Front
Besta upprunahandrit
All Quiet on the Western Front
Besta myndaeftirgerð
Avatar: The Way of Water
Besta upprunaupptøkuhandrit
Everything Everywhere All at Once
Besta tillagaða filmshandrit
Women Talking
Besta ljóðeftirgerð
Top Gun: Maverick
Besti upprunasangur
Naatu Naatu, RRR
Besta klipping
Everything Everywhere All at Once
Er kopiera
Nýggjastu sendingar í ÚV
Nýggjastu sendingar í SV
