Viðmerkjari: Føroyar kunnu fáa upp ímóti níggju stigum

Føroyar kunnu fáa upp ímóti níggju stigum í HM-undankappingini, sum byrjar í mars næsta ár.

Tað heldur fótbóltsviðmerkjarin Oddbjørn Joensen eftir lutakastið í fyrrapartin.

 - Vit skulu í hvussu er hava fýra stig ímóti Gibraltar - helst seks stig - og kunnu vit so pilka eitt stig frá hinum ella kanska tvey, um tað gongur væl, ella fáa ein sigur ímóti Montenegro, sigur Oddbjørn Joensen, tá hann metir um føroysku kjansirnar.

Toluligt lutakast

Kekkia og Montenegro úr styrkisbólki tvey og trý vóru neyvan á nøkrum ynskilista - heldur ikki tí hjá Obbjørni Joensen -  men Føroyar vóru hepnar at enda í einum bólki við fimm londum. Hetta gjørdi, at Gibraltar verður eitt av mótstøðulondunum næsta ár.

Hetta var avgerandi fyri føroysku fótbóltsmenninar, heldur Oddbjørn Joensen, hóast teir flestu ynsktu sær Ongland úr ovasta styrkisbólkinum. Har verður ístaðin talan um taparan í Nations League-fjórðingsfinaluni millum Frakland og Kroatia.

eydun_klakstein_fo.jpg

Frítekst tagging: 

Ítróttur

Fótbóltur

A-landsliðið í fótbólti

Eyðun Klakstein

Nations League

Nýggjar avbjóðingar við nýggjum venjara

Føroysku menninir hava ongantíð spælt ímóti Montenegro fyrr, og vinnur Frakland á Kroatia, verður talan eisini um spildurnýggja avbjóðing ímóti balkanlandinum, sum tapti HM-finaluna ímóti júst Fraklandi so seint sum í 2018.

Føroyar hava spælt tveir venjingardystir ímóti Gibraltar, har úrslitini vóru eitt tap og ein sigur, men hava ongantíð møtt teimum í undankappingum ella Nations League.

Fyrstu dystirnir í undankappingini verða í mars, og í løtuni er ikki greitt, hvør tá stendur á odda fyri landsliðnum. Håkan Ericson varð uppsagdur í fjør, og Eyðun Klakstein og Atli Gregersen tóku sær av tveimum teimum seinastu Nations League-dystunum.

Fótbóltssambandið er farið undir at finna nýggjan venjara.