Landsstýrismaðurin vil broyta prinsipp um kostprís

-Gongur lóggávan ímóti bústaðarpolitikkinum, so mugu vit finna aðra loysn, sigur Bjarni K. Petersen, nú tað er staðfest, at kommunal grundstykki skulu seljast fyri kostprís

Bjarni Kárason Petersen, landsstýrismaður í lógarmálum, er sinnaður at broyta galdandi prinsipp, at kommunal grundstykki skulu seljast fyri kostprís.

Jón Brian Hvidtfeldt

08.01.2025 - 17:45

Politiska málið um at gera tað lættari hjá fólki at seta føtur undir egið borð fekk eitt skot fyri bógvin, tá kommunala eftirlitið í desember staðfesti, at ein kommuna kann ikki selja eitt grundstykki fyri minnni enn kostprís.

Í tíðindunum á middegi segði Torbjørn Jacobsen, formaður í kommunufelagnum, at niðurstøðan hjá kommunala eftirlitiinum - verður hon standandi óbroytt - vil ávirka alt bústaðarmynstrið í Føroyum.

Les eisini: Landsstýrið má gera greitt, hvat grundstykki kunnu seljast fyri

Eftir at kommunufelagið hevur eftirlýst greið boð úr landsstýrinum, vil Bjarni Kárason Petersen nú taka málið upp við kommunurnar. Tí bústaðarpolitikkurin hevur hægstu raðfesting í landsstýrinum, sigur landsstýrismaðurin í lógarmálum.

Hoyr innslag her:

Grundstykkir_og_kostprisur_-_jbh_-_1800