Tey sjálvbodnu í miðdepilin

Tey sjálvbodnu í miðdepilin
Ítróttasambandið setir tey sjálvbodnu í miðdepilin næstu dagarnar við tiltøkum kring landið, har millum annað Jesper Frigast Larsen kemur at tosa
 
23.10.2024 - 09:34

Ítróttasamband Føroya setir tey sjálvbodnu í miðdepilin næstu dagarnar.

Jesper Frigast Larsen fer at tosa um "frivillighed under pres". Hann hevur arbeitt við ítrótti alt sítt lív í danska golfsambandinum, Team Danmark og Dansk Idræts Forbund, har hann millum annað hevur havt ábyrgdina fyri donsku OL-luttøkuni fleiri ferðir, skrivar ÍSF.

Afturat hesum verður sofaprát við nøkur av teimum sjálvbodnu, sum leggja lív og sál í arbeið í ítróttafeløgum kring landið.

- Eg tori at siga, at tey sjálvbodnu eru grundarlagið undir øllum ítróttalívi og øllum ítróttafelagsskapum í Føroyum. Uttan tey bar einki til. So avgjørdur er Magnus Tausen, varaforseti í ÍSF.

Tiltøkini eru ókeypis og eru ætlað nevndarlimum, venjarum, íðkarum, foreldrum og øðrum áhugaðum kring landið. Tey byrja kl 19.00 hvørt kvøld og eru umleið tveir tímar.

Skráin:

23. oktober, Ítróttarhúsið á Svangaskarði. Eldsál: Hanna Olsen, Víkingur
24. oktober, Trongisvágs skúli. Eldsál: Otto Gram, TB Flogbóltur
27. oktober, Skúlin á Giljanesi. Eldsál: Christina Ravnsfjall, 07 Vestur
28. oktober, Skúlin á Skúlatrøð. Eldsál: Sonja Kjølbro, Klaksvíkar Róðrarfelag
29. oktober, Kantinan hjá Føroya Tele í Hoyvík. Eldsálir: Jógvan K. Glerfoss, Bragdið og Súsanna Maria Hansen, B36



Er kopiera
Nýggjastu sendingar í ÚV
Mikudag 2. apríl
Eitt korter við klassiskum
190152
Mikudag 2. apríl
Morgunlestur mikudagur 2.apríl 2025
189977
Týsdag 1. apríl
LEITISSTEIN 01.04.2025 (Blátt Gras)
190130
Nýggjastu sendingar í SV
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125
Sunnudag 30. mars
Andakt
190022
Sunnudag 30. mars
Møti úr Nebo á Toftum
190017