Felagið "Gamli Jupiter" skal selja skipið víðari

Um dagarnar varð eitt nýtt smápartafelag sett á stovn - felagið nevnist "Gamli Jupiter", hevur heimstað í Hósvík, men hevur hollendskar eigarar. 

Nýstovnaða felagið keypti nótaskipið "Gamla Jupiter" frá reiðarínum Framherja í Fuglafirði. Prísurin er 43 milliónir krónur.

Tað er hollendska reiðaríið Jaczon Trawler, sum eigur smápartafelagið "Gamli Jupiter". Jaczon er eisini minnilutaeigari í reiðarínum Jupiter við heimstaði í Kollafirði.

Gunnbjørn Joensen í Hósvík er stjóri í nýstovnaða smápartafelagnum. Sambært honum var tað alla tíðina avtalan, at Framherji bara skuldi eiga "Gamla Jupiter" í stutta tíð - og at hollendska reiðaríið síðani skuldi keypa skipið aftur fyri somu upphædd