Conference League: Nú skal røkka ella støkka hjá KÍ

Conference League: Nú skal røkka ella støkka hjá KÍ
KÍ skal vinna á HJK Helsinki á útivølli, um tað skal eydnast at spæla seg í Conference League-deildarspælið. Fyrri dysturin á Tórsvølli endaði við 2-2 javnleiki
KÍ-liðið avmynda á Bolt Arena í Helsinki, har slagið um Conference League-deildarspælið stendur í kvøld
Mynd: Klaksvíkar Ítróttafelag  
 
29.08.2024 - 10:43

KÍ skal vinna so ella so á HJK Helsinki, um tað skal eydnast at spæla seg víðari í Conference League-deildarspælið.

Fyrri dysturin ímóti finnum endaði við 2-2 javnleiki á Tórsvølli, tá klaksvíkingar iðraðu seg um útjavnandi málið hjá HJK, sum kom í tíðini, sum dómarin hevði lagt afturat. 

Tískil stendur nógv upp á spæl á Bolt Arena í kvøld. Bæði ítróttarliga, men sanniliga eisini fíggjarliga. Í fjør vann KÍ sær meir enn 30 milliónir krónur í inntøkum fyri evropeisku luttøkuna, og avlopið upp á umleið 12 milliónir var methøgt.

Eydnast tað KÍ at vinna í kvøld, skal felagið spæla í Conference League fram til jóla. UEFA-kappingarnar fyri feløg eru umskipaðar, og nú er ikki longur talan um bólkaspæl. 

Í staðin fyri at skipa liðini í bólkar, eru øll 36 liðini í Conference League saman í einari deild, har øll spæla seks dystir ímóti seks ymiskum mótstøðuliðum út frá styrkismeting, sum er gjørd frammanundan.

Átta tey fremstu liðini fara víðari, meðan liðini frá 9. til 24. pláss spæla knock-out dystir sínámillum um pláss í endaumførunum, sum eru skipað sum vanligt.

Er kopiera
Nýggjastu sendingar í ÚV
Mikudag 30. apríl
Mono - Minimalisma í tónleiki (2:5)
191228
Mikudag 30. apríl
LEITISSTEIN 29.04.2025
191213
Mikudag 30. apríl
KÍ og NSÍ eru í klassa fyri seg
191209
Mikudag 30. apríl
Góðan morgun Føroyar
191208
Nýggjastu sendingar í SV
Mikudag 30. apríl
Dagur og vika - teknmálstulkað
191210
Týsdag 29. apríl
Veðrið
191187
Mánadag 28. apríl
Suðuroyartunnilin og skuggatølini
191130
Sunnudag 27. apríl
Møti í Berøa í Saltangará.
191117
Sunnudag 27. apríl
Andakt
191114