KÍ kann møta donsku meistarunum

KÍ kann møta donsku meistarunum
Um KÍ vinnur samanlagt móti Banja Luka í Europa League-kappingini, bíða donsku meistararnir FC Midtjylland ella ungarska liðið Ferencvaros í næsta umfari
Mynd: Bjarni Árting Rubeksen  
 
05.08.2024 - 15:16

Eftir samlaða tapið móti Malmø FF fór KÍ, sum nú er einasta føroyska liðið eftir í evropeiskum kappingum, niður í Europa League, har teir nú skulu møta bosniska liðnum Borac Banja Luka.

Lutakast hevur nú eisini verið um, hvussu spælast skal víðari í evropeisku kappingunum.

Og um KÍ vinnur samanlagt móti Banja Luka, bíða donsku meistararnir FC Midtjylland ella ungarska liðið Ferencvaros í næsta umfari.

Ferencvaros og KÍ kennast væl, tí liðini møttust eisini í fjør - tað var tá KÍ vann 3-0 niðri í Ungarn.

 

HJK Helsinki ella FK Decic úr Montenegro

Eydnast tað hinvegin ikki KÍ at sláa Borac Banja Luka út, fer KÍ í staðin niður í Conference League, og har skulu føroyameistararnir møta vinnaranum av dystinum millum HJK Helsinki og FK Decic úr Montenegro.

Men fyrst ræður tað um at vinna á Borac Banja Luka. KÍ spælir á heimavølli fyrra dystin, sum verður nú hóskvøldið, og hóskvøldið í næstu viku møtast liðini aftur í Bosnia.

Er kopiera
Nýggjastu sendingar í ÚV
Sunnudag 6. apríl
Bolero - Amy Beach
190318
Sunnudag 6. apríl
Guðstænasta í Kvívíkar kirkju
190317
Sunnudag 6. apríl
Møti úr Betesda í Klaksvík.
190316
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243