Útróðrarbátar fáa fleiri dagar á Bankanum og línuskip færri

Dennis Holm, landsstýrismaður í fiskivinnumálum, hevur nú lýst kunngerð um fiskiskap á Føroyabanka í ár.

Fiskidagatalið, sum var 330 dagar í fjør, verður 265 dagar í ár.

Dagarnir verða býttir øðrvísi millum bólkarnar í ár. Útróðrarbátar fáa fleiri dagar og línuskipini færri.

Skipanin fyri útróðrarbátar undir 15 tons í bólki 5 er tann sama sum í fjør, og tað vera bara teir vinnuligu virknastu bátarnir, sum sleppa á Bankan. 

Treytin er, at báturin hevur avreitt fyri hálva millión krónur ella meira, í minsta lagi eitt av árunum 2021-2023.

Bátar í bólki 5, sum lúka treytirnar, og ætla sær á Føroyabanka, hava freist til 4. juni klokkan 16 at søkja Vørn um fiskiloyvi, sigur Fiskimálaráðið.

Kunngerðin kann lesast her.