ES-borgarar og borgarar úr triðjalondum skulu hava somu arbeiðstímar

ES-borgarar og borgarar úr triðjalondum skulu hava somu arbeiðstímar
Kravið um 40 tíma arbeiðsviku er forðing fyri, at útlendsk starvsfólk fáa nóg mikið av undirvísing í føroyskum, sigur stjórin í Vinnuhúsinum
Niels Winther er stjóri í Vinnuhúsinum. (Savnsmynd)
 
04.03.2024 - 15:47

Politiska skipanin eigur at javnseta kravda arbeiðstímatalið hjá ES-ríkisborgararum og ríkisborgararum úr triðjalondum til 30 tímar, sum í dag er 40 tímar.

Arbeiðstíðarkravið hjá útlendskum starvsfólkum eigur at vera 30 tímar um vikuna, sama um talan er um ES-ríkisborgarar ella ríkisborgarar úr triðjalondum.

Hetta var eitt av tilmælunum, sum Javnaðarflokkurin á fólkatingi legði fram á tiltakinum “Rætt til ríkisborgararætt?”, sum varð hildið í Perluni fríggjadagin í farnu viku.

Niels Winther, stjóri í Vinnuhúsinum, hevði í sínari framløgu á tiltakinum júst sama tilmæli til politisku skipanina.

 

Forðar fyri undirvísing í føroyskum 

Hann mælti eisini politisku skipanini til at javnseta kravda vikuliga arbeiðstímatalið millum ES-ríkisborgarar og triðjalandsborgarar til 30 tímar.

Niels Winther vísti millum annað á, at kravið um 40 tíma arbeiðsviku hevur verið ein ítøkilig forðing fyri, at útlendsk starvsfólk hava møguleika at fáa nóg mikið av undirvísing í føroyskum.

Hann segði eisini, at eingin haldgóð grundgeving er fyri at hava eitt størri kravt tímatal, bara tí tú kemur úr einum landi, sum ikki er partur av ES, skrivar Vinnuhúsið.
 

Er kopiera
Nýggjastu sendingar í ÚV
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180