Næstan 12 milliardir goldnar í lønum í fjør

Í fjør vóru útgoldnar tilsamans 11 milliardir og 831 milliónir krónur í lønum.

Tað vísa nýggjastu tølini frá Hagstovuni.

Lønargjaldingarnar í fjør vóru 639 milliónir krónur størri enn í 2022 og eina milliard og 185 milliónir krónur størri enn í 2021.

Fimta árið

2023 var fimta árið á rað, at lønargjaldingarnar lógu oman fyri tíggju milliardir krónur.

Framvegis eru tað mannfólkini, ið fáa ta mestu lønina, 752,6 milliónir krónur í fjør, meðan samlaði lønarposin til konufólkini var 441,6 milliónir krónur.

Lønargjaldingarnar í desembur mánaði settu annars met, tí tá vóru tær eina milliard og 194 milliónir krónur, sum er tað mesta higartil.