Grønland gevst at koppseta

Í Grønlandi gevst heilsuverkið har nú við at koppseta fólk fyri Covid-19.

Tað skrivar heimasíðan hjá grønlendska kringvarpinum, KNR.

Miðskeiðis í januar verður hildið uppat við at koppseta, um fólk ikki hava heilt serligt brúk fyri at verða koppsett.

Í farna mánaði var korona javnsett við vanligt beinkrím, og samstundis vórðu tey seinastu koronutilmælini sett úr gildi.