Eldur í søguligari kirkju í Finnlandi

Fleiri brestir hoyrdust stutt fyri at eldur kyknaði undir gudstænastuni jóladag. 30 fólk vóru í kirkjuni, tá ið tað fór at loga nærindis høvuðsdyrnum, skrivar finskir miðlar. Øll sluppu út og eingin fekk skaða.

Sama dag var eitt fólk funnið deytt í einum niðurbrendum húsum skamt frá kirkjuni. Løgreglan váttar, at møguligt samband millum eldsbrunarnar verður kannað.

Mika Salminen hjá finsku løgregluni, sigur, at kirkjuhurðarnar vóru bundnar sama við bandi uttanífrá.