Myndir: Samráðingarnar halda fram

Samgongusamráðingarnar millum Javnaðarflokkin, Tjóðveldi og Framsókn vóru tiknar uppaftur klokkan níggju í morgun.

Tá segði Aksel V. Johannesen, samráðingarleiðari, at semja er um níggju mál, og trý mál eru eftir at loysa.

Arbeiðsbólkarnir, sum hava viðgjørt ymisk málsøki, ið skulu standa í samgonguskjalinum, eru lidnir.

Fyrrapartin hava umboð fyri landsbankan eisini verið á fundi við flokkarnar, sum nú royna at skipa samgongu.

Seinni í dag fara umboð fyri Fíggjarmálaráðið á fund við samráðingarfólkini.

Myndir: Bjarni Árting Rubeksen

Samgongusamráðingar 2022, dagur 4, Ingilín D. Strøm, Hendrik Old

Ingilín D. Strøm og Henrik Old vóru bæði afturvald á løgtingsvalinum 8. desember.

Samgongusamráðingar 2022, dagur 4, Ruth Vang og Framsókn

Javnaðarflokkurin og Framsókn í tinginum fyrrapartin.

Samgongusamráðingar 2022, dagur 4, Súsanna Bertholdsen

Súsanna Bertholdsen hevur møguleika at gerast løgtingskvinna fyri Javnaðarflokkin, tá nýtt landsstýri er skipað.

Samgongusamráðingar 2022, dagur 4, Dennis Holm

Dennis Holm er nývaldur fyri Tjóðveldi, og Karlot Hergeirsson í Framsókn hevur møguleika at gerast løgtingsmaður.

Samgongusamráðingar 2022, dagur 4, Eirkur í Jákupsstovu

Eirikur í Jákupsstovu hevur eisini møguleika at gerast løgtingsmaður fyri Tjóðveldi, tá samgongutingingarnar eru lidnar. Eirikur hevði eisini 35 ára føðingardag í dag og bjóðaði kaku. 

Samgongusamráðingar 2022, dagur 4, Landsbankin

Malan Johansen og Kári Petersen umboðaðu Landsbankan á fundinum við flokkarnar, sum nú samráðast um samgongu.