- Tíðindi, mentan og ítróttur
Rapparin Coolio deyður
Rapparin Coolio deyður
Amerikanski rapparin Coolio, ið hittaði stórt við "Gangsta's Paradise" í 1995, er deyður í Los Angeles, 59 ára gamal
Amerikanski rapparin Coolio gjørdist einans 59 ára gamal, tí hann var funnin deyður í einum íbúðarbygningini í Los Angeles
Mynd: Ritzau / Scanpix
29.09.2022 - 07:43
Hvørt mansbarn kennist óiva við hittsangin "Gangsta's Paradise", sum amerikanski rapparin Coolio gav út í 1995, og sum var at finna á ljóðbandinum til filmin "Dangerous Minds". Sangurin er vístur meira enn eina milliard ferðir á Youtube.
Nú er Coolio, sum var doyptur Artis Leon Ivy Junior, deyður einans 59 ára gamal.
Tað váttar umboðsmaðurin hjá Coolio, Jarez Posey, fyri New York Times og øðrum miðlum, sambært Danmarks Radio.
Enn er ikki upplýst, hví Coolio andaðist, men fleiri kendir rapparar vísa í morgun sína samkenslu á sosialum miðlum, eitt nú Vanilla Ice á Twitter.
I’m freaking out I just heard my good friend Coolio passed away.
— Vanilla Ice (@vanillaice) September 29, 2022
Er kopiera
Nýggjastu sendingar í ÚV
