ES: Bara elbilar í 2035

Umhvørvis- og orkumálaráðharrarnir í ES eru samdir um, at í seinasta lagi í 2035, skal ikki bera til at keypa bensin- og dieselbilar í ES.

Uppskotið frá ráðharrunum skal nú viðgerast í ES-tinginum.

Danski orkumálaráðharrin, Dan Jørgensen, sigur, at semjan er eitt stórt stig á vegnum, fyri at steðga øllum keypi av olju og gassi úr Ruslandi.

Samstundis eru ráðharrarnir samdir um, at útlátið av veðurlagsgassum skal minka við 55 prosentum í 2030.