Fyrrverandi uppreistrarmaður nýggjur forseti í Kolumbia

Fyrrverandi uppreistrarmaður nýggjur forseti í Kolumbia
Hetta er fyrstu ferð, síðani Kolumbia loysti frá Spania fyri 200 árum síðani, at landið fær ein forseta uttarlaga á vinstraveingi
Nýggi forsetin í Kolumbia, Gustavo Petrio, hevur lovað at býta virðini í landinum javnari. Hann er fyrsti vinstrahalli forseti í landinum í 200 ár.
Mynd: Ritzau Scanpix  
 
20.06.2022 - 14:04

Fyrrverandi uppreistrarhermaðurin, Gustavo Petro, er valdur til forseta í Kolumbia. Tað vísti úrslitið, tá 90 prosent av atkvøðunum vóru taldar, skrivar Reuters.

Hann stillaði upp fyri vinstraveingin í Kolumbia.

Síðani Kolumbia loysti frá Spania fyri 200 árum síðani, hevur landið bert havt liberalar ella konservativar forsetar. Men nú hevur Kolumbia fingið ein forseta, sum er uttarlaga á vinstraveinginum.

Petro hevur boðað frá, at hann fer at virka fyri einum Kolumbia, har virðini verða býtt javnari millum fólk.

- Tað er ein sera lítil partur av fólkinum, sum hevur átt øll virði. Tað skal broytast nú, so øll fáa lut í teimum, sigur nývaldi forsetin.

 

Atkvøður frá teimum ungu

Forsetin lovar eisini at leggja størri dent á veðurlagsviðurskiftini í landinum, og tað hevur eftir øllum at døma fingið tey ungu at velja hann.

77 ára gamli Rodolfo Hernandes, sum var mótvalevni fyri høgraveingin, hevur viðgingið tapið, og hann sigur seg vóna, at Gustavo Petro fer at megna at leiða Kolumbia fram á leið.

Gustavo Petros, sum er 62 ára gamal, er fyrrverandi uppreistrarhermaður. Han stríddist ímóti stjórnini í bólkinum M-19 miðskeiðis í 70unum.

Hann var tikin vápnaður í 80unum, og var dømdur at sita í 18 mánaðir.

Gustavo Petro verður eftir ætlan tikin í eið sum forseti 7. august.

- Vit gleða okkum til at samstarva við nýggja forsetan í Kolumbia, sigur amerikanski uttanríkisráðharrin, Antony Blinken, í eini viðmerking til forsetavalið í Kolumbia.

Er kopiera
Nýggjastu sendingar í ÚV
Hósdag 13. februar
Morgunlestur hósdagur 13.februar 2025
186667
Mikudag 12. februar
Skratsj 12. februar 2025
187684
Mikudag 12. februar
Morgunlestur mikudagur 12.februar 2025
186666
Týsdag 11. februar
LEITISSTEIN 11.02.2025 (Jazzygold)
187652
Týsdag 11. februar
Kvinnur í ítrótti (1:6)
187313
Nýggjastu sendingar í SV
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534
Fríggjadag 7. februar
Veðrið
187497