Landsstýrismaðurin: Sambýlið skal byggjast á Argjum

So skjótt sum Tórshavnar kommuna hevur givið Almannamálaráðnum byggiloyvi til sambýlið í Reynstúni á Argjum, byrjar arbeiðið. Og byggiloyvið verður givið á býráðsfundi í dag

Fólk við menningar- og rørslutarni fara at búgva í sambýlinum, har 18 búeindir vera.

Býráðið og Almannamálaráðið hava samráðst í drúgva tíð, og nú væntar Sólvit Nolsø, landsstýrismaður, at komið er á mál.

Hann ivast ikki í, at endaliga byggiloyvið verður givið á býráðsfundinum í dag:

Byggi- og býarskipanarnevndin og Fíggjarnevndin hjá býráðnum, hava báðar mælt til at lata býráðið taka avgerð um endaliga byggiloyvið, og tað verður gjørt í dag, sigur Heðin Mortensen, borgarstjóri:

Dagført klokkan 17:30

Býráðið hevur fyri løtu síðani einmælt samtykt at geva byggiloyvi í Reynstúni. Allir 13 býráðslimirnir atkvøddu fyri.

Sambýli í Reynstúni - Mynd: Landsverk

Soleiðis fer nýggja sambýlið í Argjum at síggja út. (Mynd: Landsverk)