- Tíðindi, mentan og ítróttur
Vilja revsa Russland fyri at skjóta flogfar niður
Vilja revsa Russland fyri at skjóta flogfar niður
Kanning hevur staðfest, at russar skutu rakettina, sum rakti eitt flogfar hjá Malaysia Arlines
Ein altjóða kanning hevur staðfest, at rakettin, sum rakti flogfarið, var skotin av einari russiskari støð nærindis ukrainska markinum.
14.03.2022 - 14:38
298 fólk doyðu, tá eitt flogfar hjá Malaysia Airlines var skotið niður í juli 2014.
Flogfarið var skotið niður, tá tað fleyg yvir eystara parti av Ukraina fáar mánaðir eftir, at Russland hevði lagt Krim-hálvoynna undir seg.
Nú hava Avstralia og Holland tikið stig til at leggja málið fyri altjóða loftferðslufelagsskapin, ICAO.
ICAO er ein felagsskapur undir ST, sum arbeiðir við reglum í sambandi við sivila loftferðslu í limalondunum.
Ein altjóða kanning hevur staðfest, at rakettin, sum rakti flogfarið, var skotin av einari russiskari støð nærindis ukrainska markinum.
Russland hevur víst aftur, at tað skeyt flogfarið niður.
Er kopiera
Nýggjastu sendingar í ÚV
Fríggjadag 21. februar
Breddin: Rumbul í Javnaðarflokkinum og minni sensurur á sosialum miðlum
188109
Nýggjastu sendingar í SV
