Frítekst tagging:
- Tíðindi, mentan og ítróttur
Russisk stríðsflogfør ikki innanfyri føroyskt mark
Russisk stríðsflogfør ikki innanfyri føroyskt mark
Danski verjumálaráðharrin hevur svarað Sjúrði Skaale, fólkatingslimi, at russisk stríðsflog ikki vóru innan fyri føroyskt mark í síðstu viku
10.02.2022 - 18:43
Í síðstu viku vóru russisk stríðsflogfør nærindis, men ikki innanfyri føroyskt loftrúm.
Tað hevur Sjúrður Skaale, fólkatingslimur, fingið upplýst frá danska verjumálaráðnum.
2. februar skrivaðu bæði Sky News og BBC, umframt norskir miðlar, at bretsk og norsk stríðsflogfør høvdu fylgt fýra russiskum stríðsflogførum, sum vóru skamt norðanfyri bretskt loftrúm.
Sambært tíðindunum, so vóru tey tætt við, ella inni í føroyskum loftrúmið, og tí spurdi fólkatingslimurin, hvat verjumálaráðharrin kundi upplýsa um tað.
Ikki innanfyri føroyskt mark
Verjumálaráðið hevur nú svarað, at russisku flogførini vóru ikki innanfyri føroyska markið.
Í svarinum stendur tó eisni, at tey ikki hava heilt neyvar radardátur úr økinum.
Tí hava tey vent sær til bretska flogvápnið, sum hevur váttað, at russisku striðsflogførini ikki vóru í føroyskum loftrúmið.
Er kopiera
Nýggjastu sendingar í ÚV
Fríggjadag 21. februar
Breddin: Rumbul í Javnaðarflokkinum og minni sensurur á sosialum miðlum
188109
Nýggjastu sendingar í SV
