Grønland: Nógv smitta, men fá eru innløgd

Koronusmittan í Grønlandi breiðir seg skjótt í løtuni.

Leygardagin setti smittan met, tá 504 tilburðir vóru staðfestir. Og í gjár vóru nærum eins nógvir tilburðir, tá var talið 497.

Hóast nógvu smittuna líkjast tølini fyri innløgd í Grønlandi støðuni í Føroyum, tí av teimum gott 2200 smittaðu eru seks fólk innløgd.

Í Føroyum eru 1588 fólk smittað í løtuni. Tvey fólk eru innløgd við korona, og eitt fólk er innlagt av aðrari orsøk.