- Tíðindi, mentan og ítróttur
Sameindu Arabisku Emiratini keypa flogfør úr Fraklandi
Sameindu Arabisku Emiratini keypa flogfør úr Fraklandi
Sameindu Arabisku Emiratini hava gjørt sáttmála við Frakland um at keypa 80 stríðsflogfør av slagnum Rafale, og sáttmála við Airbus um 12 tyrlur.
05.12.2021 - 15:28
Tað er verksmiðjan, Dessault Aviation, sum skal gera flogførini. Sáttmálin var undirskrivaður í sambandi við vitjanina hjá franska forstanum, Emmanuel Macron, í Dubai, upplýsir forsetaborgin í Paris.
Hetta er størsti sáttmáli, sum Dassault Aviation nakrantíð hevur gjørt við eitt annað land.
Sáttmálin er verdur 16 milliardir evrur, - tað svarar til slakar 119 milliardir krónur.
Sáttmálin við Airbus er eina milliard evrur, - tað svarar til 7,4 milliardir krónur.
Emiratini hava eisini gjørt íløgur fyri 74 milliardir krónur í franska rúmdarídnaðin og í flutnings- og endurnýggingar-geiran.
Eftir vitjanina í Emiratunum, fer Emmanuel Marcon á vitjan í Qatar og Saudiarabia.
Er kopiera
Nýggjastu sendingar í ÚV
Nýggjastu sendingar í SV
