Fara nú at ala tara á Gøtuvík

Fara nú at ala tara á Gøtuvík
Ocean Rainforest hevur fingið aliloyvi í 12 ár
Ólavur Gregersen, stjóri, og Magni Arge, nevndarformaður, við loyvinum at ala tara á Gøtuvík
 
04.06.2021 - 11:52

Ocean Rainforest hevur fingið loyvi frá Heilsufrøðiligu starvsstovuni til at ala tara á Gøtuvík.

Loyvið er galdandi í 12 ár, til 1. juni 2033, og fevnir um aling av breiðbløðkutum sukurtara á aliøkinum AA-03, sum liggur uttan fyri Nøvuna á Gøtuvík. Laksaaliøkið hjá Bakkafrost er innan fyri taraaliloyvið hjá Ocean Rainforest.

Ocean Rainforest roknar við at seta út sáddar tarateymar á Gøtuvík í heyst, og fáa fyrstu royndirnar við taraaling á Gøtuvík til høldar. Felagið vónar at kunna skera upp í 2.000 tons av tara á Gøtuvík um árið.

Hetta er annað taraaliloyvið hjá Ocean Rainforest. Í fjør fekk felagið loyvi til at ala tara á Funningsfirði, og longu nú verður tari skorin av sáddum teymum, sum vórðu settir út stutt fyri árskiftið.
 

Er kopiera
Nýggjastu sendingar í ÚV
Sunnudag 16. februar
Bolero - Bartok, Hindemith og Rota
187832
Sunnudag 16. februar
Guðstænasta úr Havnar kirkju
187830
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762