- Tíðindi, mentan og ítróttur
Bretland: Tekin um triðju alduna
Bretland: Tekin um triðju alduna
Bara í gjár vóru 3.000 nýggir smittutilburðir

Løtumynd frá Regent Street á jólum. Nú er líkt til, at triðja koronubylgjan rakar landið
Mynd: Savnsmynd (AP)
01.06.2021 - 07:21
Triðja aldan av koronu er ávegis í Bretlandi. Tað sigur Ravi Gupta, professari, sum ráðgevur stjórnini í koronaspurningum, við BBC.
Hann sigur, at tilburðirnir ikki eru so nógvir enn, men líkt er til, at tað er indiska slagið av koronu, sum nú fer at gera um seg.
Í gjár vórðu 3.000 nýggir tilburðir av koronu í Bretlandi, tilburðirnir eru øktir hvønn dag, seinastu fimm dagarnar.
– Allar aldur byrja smáar, men tær vaksa spakuliga, og tað hevur týdning at siga, at triðja aldan er á veg, sigur Ravi Gupta við BBC.
Nýggjastu sendingar í ÚV
Nýggjastu sendingar í SV