234 vórðu vígd í fjør - 75 vórðu skild

Í fjør vóru 234 vígslur í Føroyum, 147 kirkjuligar og 87 borgaraligar. Hetta eru færri enn í 2019, tá vígslurnar vóru 289. Tá vóru 195 kirkjuligar vígslur og 94 borgaraligar.

Øll, sum blíva gift, halda ikki saman, til deyðin tey skilur. Í fjør vóru 75 hjúnaskilnaðir í Føroyum, og 75 vóru eisini í 2019.

Hagtølini siga, at flestu vígslur vóru í 1999. Tá vóru tær 299. Hjúnaskilnaðir vóru 45 tað árið.