Undirskot í 2022

"Til tess at røkka ætlaða úrslitinum í løgtingsfíggjarlógini fyri 2022 er grundarlagið tær givnu fyritreytirnar fyri framskrivingum á útreiðslu-og inntøkusíðu landskassans, soleiðis sum lýst í viðmerkingunum til uppskotið til samtyktar."

Soleiðis stendur at lesa í játtanarkarmunum, sum koma fyri løgtingið mikudagin. Talan er "bert" um eitt uppskot til samtyktar, sum skal gera fíggjarlógararbeiðið eitt sindur smidligari.

6.,2 milliardir

Mett verður at inntøkur landskassan í 2022 eru 6,2 milliardir krónur, og at raksturin av landinum fer at kosta umleið 5,6 milliardir krónur. 535 milliónir eru til at gera íløgur fyri. 

Tingfundurin er settur at byrja klokkan 11. Einki annað mál er á skránni, burtursæð frá ófráboðaðum spurningum. 

Játtanarkarmarnir kunnu lesast her