Fer kanska at stilla uppaftur

Fyrrverandi amerikanski forsetin, Donald Trump, róði framundir í einari røðu, sum hann helt í Orlando á einum politiskum fundi í gjár, at hann møguliga fer at stilla uppaftur til forsetavalið í USA.

Hetta er fyrsta stóra røðan, sum Donald Trump hevur hildið, síðani hann fór frá sum forseti í USA, skrivar Ritzau.

- Hvør veit, kanska komi eg aftur fyri at vinna á teimum fyri triðju ferð, segði Trump.

Trump vann forsetavalið í 2016, og hann heldur eisini fast við, at hann vann valið í november í fjør. Valmyndugleikarnir í USA hava tó víst hesum aftur.

Donald Trump vísir samstundis aftur, at hann fer at stovna nýggjan flokk.

- Tað vildi verið býttiskapur at býtt atkvøðurnar millum republianska flokkin og ein nýggjan flokk, segði Trump.